Dapat di ako pumalya dito.
Ang gustong gusto ko lang talaga madinig madalas ay yung tunog ng electricfan. Ewan ko pero parang ang payapa lang ng buhay kapag yun ang pinakikinggan ko. Siguro iba sa inyo sasabihin wind chime o kaya pagaspas ng alon sa dagat pero ako, bentilador lang sapat na.
Medyo nahihirapan ako matulog nitong nakaraang araw. Aba, pitong oras ba naman ako balikwas ng balikwas sa kama. Mainit siguro. Tinignan ko yung bintana pati pinto ng kwarto ko nakasara. Di naman sinabi na sa bodega pala ako ng factory matutulog kala ko kwarto ko e. Iniisip ko, masyado kaya maliwanag? Masyado kaya madami ang nasa isip ko? Masyadong maraming dahilan para di makatulog.
Natatakot nga ako kasi baka namana ko sa nanay ko ito. Di pwede yun kung ganun kasi mental hospital ang punta ko.